Mér tókst að vakna fyrir hádegi í dag. Meira að segja fyrir klukkan 11. Ástæðan er sú að Jeroen, samnemandi minn hringdi. Næstu 2 vikur verða æfingar og tónleikar hjá hljómsveit skólans, undir stjórn Franz Bruggen. Schubert 8 og 9 á efnisskránni. Jeroen átti að spila í projectinu en hann getur það ekki, þannig að hann snéri sér til mín. Ég mun ekki getað spilað á tónleikunum en ég leysi hann af í þessari viku. 3 æfingar. 2 brass æfingar og á föstudag tutti æfing frá 10 til 17. Þetta grefur aðeins undir áætlunum mínum þessa vikuna, en ég ætlaði mér að ná miklum tíma á altinn. Verð nú að hundskast á lappir fyrir allar aldir og vera byrjaður að spila klukkan 9 alla dagana til að ég nái ætluðum tímafjölda.
Annar í páskum þýðir að ruslamennirnir eru í fríi sem þýðir að ruslið er yfirfljótandi hér á Bloemgracht.
Það verður spennandi að sjá hvort ég geti haldið mér vakandi í allan dag og vonandi sofnað á skikkanlegum tíma í kvöld.
Í gærkvöldi horfði ég á DVD diskinn sem ég keypti í gær, í einni lotu. Mahler 1 og 2 í röð. Samtals um 140 mínútur af tónlist. Engin furða að mér tókst ekki að sofna strax á eftir eins og ég hafði dreymt um að gera. Lá andvaka í um 2klst með Mahler klingjandi í hverri taug í líkamanum. Um hálf 2 gafst ég upp og horfði á restina af fyrri disk fyrsta hluta lengri útgáfunnar af Lord of the Rings. Held mér hafi tekist að sofna um klukkan 4.
Jæja, ætla að gera teygjurna mínar.
2 comments:
Ohhh - þetta er skemmtilegt. Verst að þú getir ekki verið með til enda.
Gangi þér vel að halda þér vakandi í dag - og að losna við ruslið!
Hljómar eins og draumaprójektið
Post a Comment