Ísland

Kom til landsins í gær og var svo heppinn að hitta Inga Garðar í fluginu, sem stytti aðeins flugtímann. Afi sótti mig út á völl og áður en hann skilaði mér heim sýndi hann mér nýja heimili hans og ömmu, á Strikinu í Garðabæ. Mér fannst íbúðin bara vera frekar falleg, ekki allt tilbúið eins og skiljanlegt er en lítur vel út.

Ég og Haraldur höfðum rétt tíma til að ná okkur í pizzu áður en leið mín lág niður í Háskólabíó þar sem Katie beið mín og ætlaði að smygla mér inná sinfóníutónleikana. Ég var mjög hrifinn af spilamennskunni, sérstaklega í Beethoven 6. Maður sér ekki oft svona mikla leikgleði í atvinnumanna hljómsveitum. Ég skemmti mér konunglega og gerði mér enn og aftur grein fyrir því hvað hljómsveitin er góð, frábærir tónlistarmenn í öllum lykilstöðum. Stjórnandinn var líka ansi flinkur.

Það er verið að tollafgreiða Lindberg Dvd diskinn sem ég get ekki beðið eftir að fá í hendurnar. Finnst nú ótrúleg smámunasemi að vera að gera eitthvað mál með eitt stykki dvd disk, þó að hann sé tvílaga.

Fór í klippingu áðan og er ansi stutthærður á minn mælikvarða. 

Fékk vægt sjokk þegar ég vaknaði í morgun og sá allt undir þykku lagi af snjó. Ekki beint venjulegt veður fyrir Reykjavík á þessum árstíma.

Það er nú alltaf gott að koma heim og er þetta engin undantekning frá þeirri góðu reglu.

En nóg komið af bloggi ;)